Storian smol

Las nite Muun i no laet gud mo. Kala blong em i ko orange ino mo saen braet waet olsem oltime. Sam man i sei planet Mars i kam blokem Muun. Mi kam aotside long 10.30pm long nite mo luk sei Muun ino saen gud mo i gat fulap klaot.

Mi karem kamera mo tekem photo ia u save luk antap. Mi askem long sam fren long monign ia oli sei emi eclipse blong Muun. Fulap man i luk, ples i kolkol bei oli  kam aotside mo luk antap intaresting somting wei i hapen wei bai oli nomo save luk bakeken.

Man! bei umi mas save tu sei i gat wan man wei i kontrolem ol nature blong umi. Em i mekem ol planet i muv mo givem laet long wol wei umi stap long em. Bible i talem se God na wei i stap long Heven i createm Wol mo everi samting wei i stap long Wol. Ol samting olsem fis, animols, ol man mo ol nara samting. Mo emi createm ol Stas, Muun, Sun, mo ol nara planet olsem Mars wei umi luk i blokem Muun las nite.

Drug Stoa blong Port Vila taon klosap i bon las nite long wan faea.

Wan faea wei i bonem ruff blong bilding wei Drug Stoa i stap long em. Oli faenem long haf pas ten long las nite olgeta long Faea Station i resievem wan telefon call wei i com long security ofisa blong Club Vanuatu sei fire i stap laet. Emi luk faea wei stap light i kamout long ruff blong bilding.

Olgeta long faea station i russ i go daon mo i faet blong stopem faea. Olgeta i kasem long Drug Stoa mo faenem sei faea i stap smol yet. Three Faea Sevis staff i no naf so oli askem membas blong public blong i helpem olgeta. Faea i laetem some ofis nomo wei i stap antap long top floa blong bilding. Olsem ofis blong som private doctas.

I no gat fulap someting i bon. Ol ofis mo stoa wei i stap long sem building i sef i stap. Som oli removem ol files mo goods blong olgeta. Olsem Stanley Impots emi karemout ol goods inside long stoa blong em long nite.

Fulap man i ron i go doan blong wajem faea mo faea faetas long las nite. Som i help blong karemout ol somting long ol ofis, som i stanap nomo mo singout.

Kasem naia ino gat clea cos blong wanem i cosem faea, bei olgeta long Faea Sevis i sei i posible sei emi ol electrical aplaens wei cosem stat blong faea.

Marc N. Jones long time blong launching

Tudei fes class blong ol students blong niufala Junalism skul long VIT mifala i gat class  blong Civics Education. Wan comen blong cordinator blong cos Miss Shirley Joy emi say’ fulap junalis tudei ino study gud o i no save long civics educasen. So emi wan gudfala jans blong olgeta wei i erol long junalism skul long VIT. Civics education emi wan long ol fivefala moduless wei bai ol studens i lanem lo fes semista blong cos.

Civics Education em study blong ol proces wei i stap hapen long ol authorites olsem govamen blong umi long wan society mo globaly mo how i afectem ol citizens. Time u study lo em bai u save how ol diferen govamen system how oli fom mo how oli save usem pawa blong olgeta.

“U save kam wan gud politisen spos u tekem ful cos blo civic education”, emi wanem wei trainer blong cos i talem.

Fulap students i no stap long class tudei. Wan long ol trainer blong Civics nomo i stap long class tudei wei emi Steven, emi wok long Transperancy international Vanuatu. Bei nara trainer blong Civics emi Hillaire Bule bei emi no present tudei.

Nex class long aftanoon bai emi  class blong Junalism values and ethics wei Ricky Binihi na bai teachem

U save come long VIT blong save mo long cos o contactem Miss Shirley Joy long VIT. Tel 22294

Pm Lini Long taem blong Lauching

Niufala skul blong Jenalism mo Media, PM Lini wei i minista blo Media i openem long Vanuatu Institute of Technology las Tuesday. Long time launching PM Lini i talem sei “Yumi stap tedei long Infomaisen Revolusen. Vanuatu olsem wan smol developing kantri i nidim infomeisen blong develop gud.” Yumi nidim infomaisen olsem wan impoten tool blong wok long kantri blong yumi.

Long time blong launching blong cos i gat fulap man i stap. Ol man long ol media industri olsem Vanuatu Daily Post, Radio Vanuatu, Capitol 107, ol diplomatic co, olgeta long govamen, mo ol nara NGO representatif tu i stap.

Launching blo cos i stap lo niufala skul blo Turism long VIT nomo. Mo long time ya ol trainers blo cos ol bin stap mo ol fes fala intake blong cos tu i stap.

Cos ia emi wan Home grown cos, from sei olgeta trainer blo em i ol local journalist nomo. Mo bai oli teachem ol samting mo reletem i come long local context nomo.

Taem wei Marc Neil Jones wei emi President blong committee blong cos i toktok. Emi talem sei ‘Vanuatu i nidim gud Journalist especially olgeta long govamen secta. From i hard blong karem infomesen long govamen depatmens from i no gat gud journalist wei i wok long ol depatmen blong govamen’. Emi say emi hop blo luk mo govamen sapot long cos ya.

Wan olfala politicia wei i memba blong comitee blong cos Mr. Sokomanu time emi toktok i talem sei ‘ol Journalist oli gat gud nius o gospel blong talem out. Wanem stori wei oli talem o soem bai emi wan gud nius.’

Cos blong Jounalism mo Media bai i stat gud tudei Monday. Last wik ol student i go tru orientasen nomo. Mo tudei i gat fes clas blong Civics education.

I gat mo infomesen about cos ya long VIT o man wei i intres i save come toktok wetem Shirley Joy long VIT.