Vanuatu Institute of Technology I recievem 1 Million Vatu cheque long Wilco Hardware long tedei moning.
Maneija blong Wilco, Mr Paul Manders I handem ova cheque ia long Chairlady blong VIT kaonsel long wan sot seremonie wei I tekem ples long Administration blong VIT.
Managing Director blong Wilco time I stap givem toktok blong em. Emi talem sei Wilco i proud blong stap sponsarem ol students long wan institution olsem VIT mo emi talem sei emi stap lukluk blong increasem amount wei emi stap givem long VIT long nextfala five yia.
Mrs Roline Lesines, wei emi chairlady blong skul emi talem long ol bigman blong Wilco se 1 million vatu ia bai go long skul fees blong ol students wei I finem difficulty blong pem fee blong olgeta mo olgeta wei I perfom gud long class. Emi also talem sei ol students wei Wilco I bin sponsarem long ol previous yia, I finem wok. Wei naia I luk one I wok long ANZ Bank mo narawan long Westpac Bank.
Wilco I stap givem money olsem long VIT stat long 2005 finis I come.
VIT i also recievem money blong scholarship long Ausaid mo French Embassy.
