Spos yu wei yu stap pas lo Joint Cot area lo Port Vila bai u bin luk olfala state haus wei i bon mo i stap nating bush i kavremap. Bei ino long taem bai constracsen blo niufala state haos bai i stat. Bai niu state haus bai i stap nomo lo same site wei olfala wan i bin stap lo em. I stap lo wan naes vew, taem u stap antap mo lukluk i go daon lo solowora mo Iririki bei i gud mo taem sun i stap go draon. Bai u luk mo photo lo nex update!
Afta lo registreisen lo moning sandei 9 decemba i gat pared lo aftanun.
Everi yut i lunch finis, change lo unifom bei som wei oli no gat unifom oli wearem eny nice clos nomo. Afta everiwan i wokbaot i go daon lo sea front. Oli go grup tugeta behaen lo haos blo sawmill.
Taem ol delegates oli kam tru lo boat. Oli maj everiwan i kam antap pas saed lo jejs kam folem ol classrum go kasem dom blo ol boys mo go behaen lo junea fil afta go stret lo stage klosap lo haos blo pump.
Longfala laen blo ol yut, bai u lukluk koko i no gat en blo em. From laen i long wan tumas mekem brass band blo Port Vila i lidim haf afat band blo Tanna i lidim nara haf. Luk mo photo lo nex update 
Lo yia lo VIT everi wednesdei aftanun ol student mo tijai i no gat klas. Mo ol staf tu oli no wok.
Lo Wednesdei stat lo haf pas Wan ol student i difaet i go lo ol smol grup blo olgeta mo oli go lanem o mekem wanem wei lida blo grup blo olgeta i wantem olgeta blo mekem. Lida blo grup emi wan tija ol staff wei olgeta lo student sevis i jusum.
Afta lo haf pas tu ol tija oli go lo ol depatmen blo olgeta mo oli go tru lo staf divelopmen bei ol student oli go mekem praevet stadi. Oli save pleplei ol mekem eni activiti wei oli wantem blo mekem kasem lo haf pas fo oli stop mo go hom.
Naia ol student oli stap lo grup blo olgeta mo ino longtaem bai oli finis. Afta emi taem blo ol tija na.
Fulap man i komplen sei ples i hot tumas naia. Lo wan dei taem u wek up ely lo moning u filim ples i hot finis. Afta bai i ren smol finis i stop. Lo haf 8 i go ples i hot na kasem lo lunch. Taem u mi bitim lunch bai ples i dak from fulap klaut sometaem bai ren i foldaon. Bei samtaem bai no ren nating mo ples i continue blo hot.
Bei fulap taem bai i ren na lo aftanun bei still yu save filim ples i hot. Kasem lo evening yu filim ples i kolkol smoltaem n0mo. Bei taem u kakai finis go slip sayeh ples i hot bakeken. Spos u no fraet bai yu mas go swim bakeken lo naet blo kolkol smol afta go bak slip. Kasem lo ely moning yu mas wakeap ely bakeken from ples hot tumas.
Mi no save sei yumi hot o ples i hot? Yu ting sei wanem, yu o ples?
Lo Sunday moning namba 9 Decemba ol yut oli kam tru lo congress kraon. Oli kam lo ship mo boat acros lo Luganville. Bei ol yut blo Tafea mo Shefa oli kam lo nite finis. Ol yut blo Sanma mo Penama mo Malapma i jes kam lo moning.
Trak i fulap lo olgeta i kam, Aore campus i stap fulap wetem ol man na.
Taem oli kam tru bei oli go stret lo registresen lo dinning hall. Lo registresen each yut i karem wan folder, ID cad mo wan T-shirt blo congress.
Ol kuk i wok had finis lo kitchen blo stat preparem kakai. Sam lo ol cook oli kam lo Luganville.
Taem oli regista finis oli faenem ol ples blo silip blo olgeta lo ol dorms, classrum mo ol staff house blo skul. Moa photos 2moro bakeken.
Ol Faeve boys mo wan gel wei oli go festaem blo mekem ol preparesen wok oli enjoyem olgeta from ol nara yut i no kam yet mo i gat fulap kakai blo kakai olsem laplap, navara, pawpaw, fish, coconut blo drink mo fulap yet. Fulap kakai na lo haos blo ol single female teachers. Haos blo Bev olgeta kakai i neva sot.
Oli sek blo luk Aore bakeken, skul wei oli bin skul lo em festaem bei naia i jenis bigwan. I gat niufala science lab mo ol niu classrum. Bush tu i grow i kam closap nomo lo campus blo skul. Wild faol i wokbaot i kam kasem lo haos blo pump. Tingbaot!!??. Yu save harem ol russta mo hen i singaot closap nomo.
Wok smol nomo lo aftanun go visitem plantesen kakai navara olsem u wantem. Afta wokbaot i kambak wajem sun set blo Friday aftanun. Eh fit!
Lo sabat, save sabat lo Aore i spesel. Lo Sabat skul oli introducem ol few yut wei i bin go festaem. Mekem oli feel welkam blo wosip insaed lo jejes blo Aore bakeken. Ol students i out finis so olgeta smol nomo i worship kasem divine sevis afta AY i gat visitaesen. Pliz jek 2moro bakeken blo luk mo photos.
Yut congress long Aore i stap long 9 go kasem 19 Decemba.Ova 900 pipol oli kam lo congress.
I gat wan smol grup blong ol boys wei oli go festaem wetem minister Charlie( yut directa) blo go helpem ol yut blo Santo blo mekem ol preparesen wok.
Oli kasem bot long Naunepan mo go lo Aore. Long Aore oli mekem ol wok olsem pentem stage, putum tabolen blo shade, clin up mo ol nara samting bakeken.
Aore community tu oli mekem fulap klinap lo taem ia. Bai yu save luk mo photo next update
 | NIX on Ol yut i kam tru-Aore |
 | mishto on Ino gat klass-VIT |
| mishto on Mo photo blong yut congress-… |
 | Jean Pierre on Wan Nice Ples-Aore |
 | Hensley Simon Levu on Wan Nice Ples-Aore |
