Yesterday Vanuatu pipol i votem ol lida blong next gavman blong country. I gat gud coverage blong election wei radio Vanuatu i mekem wetem ol field repota wei oli stap long ol difren ples blong vote.
Compare long ol past electsen Principal electrol ofisa Martin Tete i talem sei electsen blong yia ia go esi mo bitim ol nara electsen. Emi talem sei pipol i tekem taem blong ol blong vote.
Long repot blong radio Vanuatu i talem sei i gat fulap void votes mo fulap man i no go vote. Olsem lo Ex-FOL poling statsen i gat 3000 registered voters bei ova 1000 pipol oli no go vote yesterday wei i mekem ol presiding ofisa i luk se emi wan big problem.
Wan mo problem emi fulap man i no gat nem lo electrol roll so oli no save vote no mata wei oli gat kat blong vote. Ripot blong radio vanuatu i talem sei wan Mama mo gel blong long Epau vilage i mas wet fuldei from sei nem blong tufala i no stap lo electrol roll. Tufala i wet kasem aftanun bei still oli no save stretem nem blong tufala lo electrol roll mekem sei tufala i wokbaot go hom harem no gud.
Naoia i gat update blong anofissal resal wei radio vanuatu mo capitol fm 107 i stap givem out.
ol man i line up blong vote long municipal hall
